kama pi jan sewi Kolisu

tenpo mun ni la jan li awen e sona pi kama pi jan sewi Kolisu.
jan li pana e kasi lon insa pi tomo ona.
jan li pana e ilo suno lon kasi ni.
jan li pana e ijo kule lon kasi ni.
jan li pana e kalama musi.
jan li esun e ijo musi tan esun.
tenpo suno pi jan sewi Kolisu la jan li pana e ijo musi tawa kulupu mama.

mun pimeja

tenpo pimeja tu pini la ma li lon insa pi mun en suno.
ma li pimeja e mun.
jan mute li lukin e mun pimeja.
jan li kepeken e ilo lukin.
jan mute lili li pali e sitelen tawa.
mun li lon anpa sewi la mun li suli.
mun li lon sewi sewi la mun li lili.

ilo toki kepeken wawa lon kon

jan li ken toki kepeken ilo toki kepeken wawa lon kon.
jan li ken toki tawa jan ante lon ma ante.
jan li ken pana e toki kepeken ilo ni.
jan li ken kute e toki kepeken ilo ni.
jan li wile jo e lipu sona tawa ni: jan li kepeken e ilo ni.
jan li wile kama sona e ilo ni.
mi kama sona e toki sin.
toki ni li jo kalama lili li jo kalama suli.
tenpo pini mute la jan Molise li kama e toki ni.
mi kama sona e toki ni kepeken ilo sona mi.
mi wile jo e lipu sona mi.
mi wile pali e ilo toki kepeken wawa lon kon.

tomo tawa pakala

tenpo suno pini la meli mi li toki tawa mi kepeken ilo toki.
tomo tawa pi meli mi li kalama.
tenpo pimeja pini la mi lawa e tomo tawa kalama tawa tomo pi pona pi tomo tawa.
meli mi li lawa e tomo tawa ante pi mi mute tawa tomo ni.
tenpo suno ni la jan pi pona pi tomo tawa li toki tawa mi kepeken ilo toki.
sike pi tomo tawa li pakala.
sike li kalama.
tomo tawa pi meli mi li jo e ilo. ilo ni li pini e sike.
ilo ni li pakala.
jan pona li pana e ilo ni sin lon sike pi tomo tawa.
tenpo ni la tomo tawa pi meli mi li kalama ala.
tenpo lili la tomo tawa ni li ken pini.
mi pana e mani tawa jan.

seli lon telo linja

tenpo pimeja pini la kulupu mama mi li tawa ma tomo Powiten.
telo linja li lon ma tomo ni.
jan musi li pana e ijo lon sewi telo linja.
kasi kiwen li lon ijo ni.
jan musi li tawa ijo ni kepeken tomo tawa telo.
jan musi li pali e seli lon ijo ni.
seli tawa li suno e telo linja.
jan musi li kalama e kalama musi.
kalama musi li pona tawa mi.
jan mute li kama tan ni: jan mute li lukin e seli.
jan mute lili li tawa insa tomo tawa telo.
jan musi li tawa e tomo tawa telo lon telo linja.
seli lili li lon.
kulupu mama mi li lukin e seli lon telo.
ni li pona tawa mi.
mi pilin e ni: mi lon tenpo pini.

kon tawa mute Ilene

tenpo esun tu tu pini la kon tawa mute en telo anpa li tawa ma tomo Nujoka en ma tomo Pasen.
jan li pana e nimi Ilene tawa kon tawa mute.
telo mute li anpa.
jan lawa li toki e ni: jan li lon poka pi telo suli la jan li wile tawa weka.
jan mute lili li tawa weka tan tomo ona tan ni: telo mute li lon.
kon tawa li pakala e linja wawa.
jan mute li jo ala e wawa tan linja wawa.
jan mute li jo ala e suno.
jan lawa li pini e tomo tawa pi ma anpa.
kon tawa mute li tawa weka la jan pali li pona e linja wawa.

awen e tenpo suno pi 9-11 insa lawa mi

tenpo sike luka luka pini la jan ike li utala e ma Mewika.
jan ike li lawa e tomo tawa kon tawa tomo suli.
tomo tawa kon pakala li kama e seli insa tomo suli.
jan mute li kama moli.
tomo suli pakala li anpa tawa ma.
tenpo suno ni la jan mute li toki tawa jan sewi.
jan mute li pana e telo oko.

tenpo sike mute pini la mi tawa telo poka ma tomo Nujoka.
mi lon tomo tawa telo.
mi pali e sitelen suno ni pi tomo suli.

kasi Potato mi

tenpo sike pini la mi pana ala e sike kasi Potato lon ma kasi mi.
tenpo sike ni la mi pana e sike kasi Potato.
tenpo suno ni la mi moku e kasi Potato.
mi wile weka e ko.
kasi Potato li anpa e ma.
kasi Potato li pilin pona tawa uta mi.
kasi Potato tan esun moku li pilin pona lili tawa uta mi.
kasi Potato tan ma kasi mi li pilin pona mute tawa uta mi.

lawa e tomo tawa

tenpo luka luka luka wan la meli mi li sike e suno.
tenpo ni la meli mi li ken kama sona e ni: meli mi li lawa e tomo tawa.
mi pana e sona ni tawa meli mi.
mi mute li kepeken e tomo tawa mi.
tomo tawa mi li jo e tenpo sike mute.
meli mi li lawa e tomo tawa lon sike.
tomo tawa ante li weka tan mi mute.
tenpo ni la meli mi li lawa ala e tomo tawa lon nasin.

nena kute mi

tenpo suno pini lili la nena kute mi li pilin ike lili tawa mi.
tenpo suno ni la mi tawa jan pi sona sijelo.
ona li lukin lon insa pi nena kute mi.
jan pi sona sijelo li lukin ala e ijo ike.
jan pi sona sijelo li toki ni: 'nena kute sina li pona.'
tenpo ni la mi pilin ala e pilin ike pi nena kute mi.

ma kasi mi

tenpo esun pini la mi jo e kasi mute tan ma kasi mi.
mi moku e kasi loje Tomato e kasi laso Pene e kasi jelo Kos tan ma kasi mi.
tenpo suno pini la me pona e ma kasi mi.
mi weka e kasi ike tan ma kasi mi.
tenpo suno ni la mi pana e sike pi kasi tenpo lete lon ma kasi mi.

mun lili tawa

tenpo pimeja pini ante la mi tawa insa ala pi tomo mi.
mi lukin tawa sewi.
mi wile lukin e mun lili tawa.
mun lili tawa li tawa nasin sewi.
mun lili tawa li tawa mute.
mun lili tawa li pali e linja walo suli lon sewi.
mi lukin anpa la mi ken ala lukin e mun lili tawa.
tenpo ni li mun tawa Pesate.

tawa pali mi

tenpo esun pini la mi tawa ma tomo ante.
seli mute li lon.
mi tawa kulupu pali.
kulupu pali li pona tawa jan pali.
tenpo pimeja la mi tawa tomo pi jan pona mi.
mi mute li pali e utala musi Ikito.
pini ni la mi mute li mute.
ni li pona tawa mi.

ilo sona mi sin

tenpo mun pini la mi kama jo e ilo sona sin.
ona li lipu.
ona li jo ala e ilo luka.
ona li pali kepeken nasin Anatoti.
ona li lili.
mi pali e lipu toki tawa ilo sona mi.

pana e telo loje

tenpo suno sin ni la mi pana e telo loje mi tawa jan pi sona sijelo.
ona li kama tawa tomo pali mi.
tan ni la jan li pana e len tawa mi. nimi pona li lon len.
mi pilin e ni: mi wile lape.
jan pi sona sijelo li toki ni: "o pana e telo loje sina tawa mi. jan ante li wile telo loje sina."
tenpo seli la jan mute li tawa weka tan ma tomo.
mute pi telo loje li lili.

tawa e ma pona

mi kama jo e ma pona.
mi pana e ma pona lon ma mi.
mi kepeken e ilo tawa.
mi pana e sike kasi lon ma pona.
mi telo e sike.
kasi lili li kama tan sike.

" jan pi tenpo sike mute" jan Nili Jon

jan pi tenpo sike mute o lukin e nasin mi.
mi jo e tenpo sike lili.
mi jo e tenpo sike kama mute.
mi lon ma pona mute. jan ala li lon poka mi.
mi pilin jan ante poka mi.

jan olin mi li weka.
ni li ike tawa mi.
o pana e ijo awen tawa mi.
ijo li sama e ni: mani sike li weka ala.
mi tawa tomo tawa sina.

jan pi tenpo sike mute o lukin e nasin mi.
mi sama sina.
mi wile e ni: tenpo suno ali la jan li olin e mi.
sina lukin insa oko mi la sina sona e ni: ni li lon.

esun moku

mi lawa e tomo tawa mi tawa esun moku.
mi jo e mani lon poki len mi.
mi tawa insa esun moku.
mi jo e poki kepeken sike tawa.
mi wile kama jo e soweli lete e telo wawa e sike pi waso mama e kasi pi ma anpa e pan pimeja e poki pi kasi sike e telo walo.
mi pana e mani tawa jan esun.
jan esun pana e moku mi lon insa poki.
mi tawa e moku mi tawa tomo tawa mi.
mi lawa e tomo tawa mi tawa tomo mi.

ilo pi pali wawa pi ma Nipon

sinpin suli pi telo suli li pakala e ilo pi pali wawa lon ma Nijon.
ilo pi pali wawa li pali e seli.
jan pali li kepeken e telo ni: telo li lete e ilo pi pali wawa.
ilo pi tawa telo li pakala tan sinpin suli telo.
jan pali li kepeken e poki tawa ni: jan pali li kama e telo tawa ilo pi pali wawa kepeken poki.
tomo tawa kon kin li anpa e telo lon ilo pi pali wawa.
telo jaki moli li kama tan ilo pi pali wawa.
telo jaki moli ni li ken moli e jan pali.
jan pali li len e len pi weka jaki.
tenpo kama mute la ilo pi pali wawa li seli.
tenpo sike kama mute la jan pali li wile pona e ilo pi pali wawa.
jan li lon poka ilo pi pali wawa.
jan ni li wile tawa weka.
jan ni li tawa ala weka la jan ni li moli.
ilo pi pali wawa li pana e ko moli lon kon.
ko moli li anpa lon ma.
ko moli li pakala e moku e telo.
kulupu lawa li wile pona e ma e telo.
kulupu lawa li wile tawa e jan tawa tomo sin.

utala lon ma Lipija

jan Katawi li jan lawa pi ma Lipija.
jan Katawi li jan ike mute.
jan Katawi li moli e jan pi ma Lipija.
jan pi ma Lipija li wile ni: jan Katawi li weka.
jan pi ma Lipija li utala e jan utala pi jan Katawi.
jan utala pi jan Katawi li jo e tomo tawa utala mute.
jan pi ma Lipija li jo taso e ilo utala lili.
ma Elopa li pana pona tawa jan pi ma Lipija.
tomo tawa kon utala tan ma Elopa li tawa ma Lipija.
tomo tawa kon utala li pakala e tomo tawa utala pi jan Katawi.
tomo tawa kon utala li anpa e ijo pakala wawa lon jan utala pi jan Kalawi.
utala li lon.

tomo pi telo kiwen

mi lon tomo pi telo kiwen.
tenpo suno sewi la mi lawa e tomo tawa tawa tomo ni poka meli mi.
meli mi li pali e nasin musi.
meli mi li tawa noka lon telo kiwen poka meli mute.
tenpo suli la mi awen lon tomo musi.
insa pi tomo musi li pilin e lete tawa mi.
mi tawa insa ala pi tomo musi tawa ni: mi wile seli e sijelo mi.
mi anpa e monsi mi lon tomo tawa mi.
suno li seli e tomo tawa mi e mi.
mi lukin e lipu toki lon tomo tawa mi.
meli mi li pini e musi ona la mi kama e meli mi tawa tomo mi.

ilo sona sin

ilo sona pi mama mi li sin ala.
mi pali e ilo sona sin tawa mama mi.
tenpo pimeja ni la mi open pali lon ona.
mi pali e ilo awen sona sin.
mi pana e ilo sin lon ilo sona.
mi pona e sinpin lukin.
tenpo suno kama la mi tawa e ilo sona tawa tomo pi mama mi.

mi tawa jan Kiropato

monsi pi sijelo mi li pilin ike tawa mi.
mi pali e nasin Ikito la mi pakala e monsi pi sijelo mi.
mi tawa jan pi pona sijelo.
jan ni li jan Kiropato.
mi tawa tomo pali pi jan ni.
mi anpa e sijelo mi lon supa.
jan pi pona sijelo li lukin e monsi pi sinpin mi.
jan pi pona sijelo li tawa e ijo kiwen lon sinpin mi.
jan pi pona sijelo li pona e palisa kiwen lon sinpin mi.
tenpo ni la monsi pi sinpin mi li pilin pona tawa mi.

nasin Ikito

mi tawa nasin Ikito.
nasin Ikito li utala musi.
mi tawa tomo pi utala musi.
mi len e len walo.
mi seli lili e sijelo mi.
jan pona li tawa e luka ona tawa sinpin mi.
mi tawa weka e sijelo mi.
mi kama jo e luka pi jan pona.
mi tawa e luka pi jan pona tawa ma.
jan pona li sewi e sijelo ona tan ma.
sin la jan pona mi tawa e luka tawa mi.
mi tawa e sijelo pi jan pona mi tawa ma.
ni li nasin Ikito.
nasin Ikito li pona tawa mi.

kasi lili mi

tenpo esun pini la mi pana e sike kasi lon poki poka lupa.
poki li jo ma pona.
suno li suno lon lupa ni.
mi wile jo e kasi lili.
seli li lon la mi pana e kasi lili lon insa ala pi tomo mi.

mi kama lili

tenpo pini la mi suli.
tenpo ni la mi lili.
mi moku e mute lili pi moku pona.
mi moku ala e suwi.
mi moku ala e moku walo e pan.
mi wile kama jo e len sin.
mi wile ala moku e moku mute.
mi moku e soweli e kala e kili.
mi pilin pona.

ma tawa lon ma Nijon

ijo wawa li pakala e ma Nijon.
ma li tawa wawa.
tomo mute li pakala.
sinpin telo suli kin li tawa sewi ma.
telo ni li moli e jan mute.
telo ni li tawa e tomo e tomo tawa e tomo tawa telo.
jan lawa li alasa e jan weka.
ma Mewika li tawa e tomo tawa telo suli tawa ma Nijon.
tomo tawa telo ni li jo e tomo tawa kon.
tomo tawa kon ni li alasa e jan weka.
tomo tawa kon ni li kama e moku e telo pona tawa jan.
jan li pilin lete li wile e moku.
jan li jo ala e ilo suno.
tomo tawa telo kin li jo e jan pi pona sijelo.

ilo pi pali wawa li pakala.
ilo ni li seli wawa.
jan pali li lon ilo ni e telo lete.
ilo ni li pana e kon ike e ko moli.
jan lawa li weka e jan tan ma poka ilo ni.

jan pi ma ante li pana e moku e ijo pona tawa ma Nijon.
jan mute li toki tawa jan sewi tawa jan pi ma Nijon.

mije li tawa lon telo kiwen lete.
jan ali li sona e mije ni.
tenpo pini la mije ni li tawa musi Olipik.
mije ni li sitelen e lipu toki.
meli lili mi li pana e mani tawa lipu toki pi mije ni.
meli lili mi li pana e lipu toki tawa mije ni.
mije ni li sitelen e nimi ona lon lipu toki.
ni li pona tawa meli lili mi.

2011 TP posts prior to today

tenpo suno 10 pi tenpo mun 1

tenpo suno pini la mi tawa kulupu toki lon tomo pi ma tomo mi.

jan pi ma tomo pi mute lili li toki.

jan pali esun li wile pali e tomo pali sin.

jan pali esun li wile awen e telo ike lon tomo sin.

jan pi ma tomo mi li moku e telo ike ni la jan pi ma tomo mi li kama jo e ike sijelo.

tomo kama li poka telo pona.

jan pi ma tomo li moku e telo pona ni.

telo ike li ken ala tawa telo pona.

jan lawa pi ma tomo mi li pilin sama la jan pali esun li ken pali e tomo pali.

jan lawa pi ma tomo mi li wile e ni: jan pali esun li pali kepeken nasin pona.

jan lawa pi ma tomo mi li wile e ni: jan pali esun li sitelen e nimi pi telo ike lon lipu.

jan lawa pi ma tomo mi li wile e ni: jan pali esun li pana e lipu ni tawa jan lawa pi ma tomo.

ni li pona tawa jan pali esun.

ni li pona tawa jan pi ma tomo mi.

tenpo suno 4 pi tenpo mun 1

mi wile e ni: sijelo mi li kama lili.

tenpo suno ni la mi moku lili.

tenpo suno sin la mi moku e kili.

mi kama e moku tawa tomo pali mi.

mi seli e moku mi kepeken ilo seli.

kin la mi tawa wawa e sijelo mi.

selo mi li kama telo.

tenpo mun ni la mi wile tawa jan pi sona sijelo.

ona li wile ni: sijelo mi li lili.

tenpo suno 1 pi tenpo mun 1 2011

tenpo sike sin pona !

2010 Toki Pona Posts

Note: English translation can be found here.

tenpo suno 25 pi tenpo mun 12

tenpo suno kama pi jan sewi Kolisu pona!
kulupu mama mi tawa tomo pi mama mi.
mi mute li moku li toki li pana e ijo musi.
mi tawa tomo pi meli sama mi.
mi mute li toki li musi.
mi anpa e monsi mi lon poka pi soweli ona.

soweli ona li suli.
soweli li pona tawa mi.
mi pona tawa soweli.

tenpo suno 21 pi tenpo mun 12

mun pimeja



ma li sike e suno.
mun li sike e ma.
tenpo mute lili la ma li pana e pimeja lon mun.
ma li weka e suno tan mun.
tenpo pimeja ni la jan mute li lukin e mun.
tenpo mute lili la mun li kule loje.
jan li wile e ni: ijo walo ala li lon sewi.
jan li wile lukin e mun.

tenpo suno 6 pi tenpo mun 12

mi tawa ma tomo Olakoma.
mi tawa tan pali mi.
mi tawa weka tan ma tomo Pasen.
sewi li laso.
nanpa lili pi jan tawa li lon tomo tawa kon.
mi ken tawa e noka mi.
mi jo e poki tu lon anpa supa monsi mi.
jan pali pi tomo tawa ko li pana sona e ni.
mi mute li ken kepeken sona ni tawa ni: mi mute li moli ala.
meli lawa li pona lukin.
tenpo suno ni pini la meli li tu e linja mi.
linja mi li suli mute.
tomo tawa kon li weka e anpa la supa monsi mi li tawa sewi li tawa anpa.
tenpo pimeja ni la mi wile jo e ijo ni: moku, lipu toki pi sitelen ala, suwi, lipu pi nena kon
ilo sitelen tawa li lon tomo tawa kon.
sitelen tawa musi li lon ilo sitelen tawa.
mi lukin e lipu toki pi tomo tawa kon.
suno li kama tan lupa.
suno li seli e mi.
tenpo ni la mi lon ma tomo Alana.
tomo tawa kon mi li pakala.
jan lawa li kama jo e tomo tawa kon ante.
taso tomo tawa kon ni li tawa ma tomo Tetuwa.
telo lete walo li anpa lon ma tomo Tetuwa.
jan li pona e tomo tawa kon kepeken telo seli tan ni: ona li weka telo kiwen lete tan tomo tawa kon.
tenpo pimeja la mi kama lon ma Olakoma.
esun li open ala.
tenpo ni la mi ken ala jo e ijo mi tan esun.

tenpo suno 27 pi tenpo mun 11

mi tawa esun moku.
mi kama jo e moku.
mi lon linja pi pana mani.
meli li tawa weka tan esun.
poki mani pi jan meli li awen lon esun.
mi toki tawa meli.
mi lukin e poki tawa meli.
meli li toki e pona tawa mi.

tenpo suno 18 pi tenpo mun 11

mi lon kulupu toki pali.
mi anpa e monsi mi lon supa.
mi mute li toki pi pali pini.
mi wile tawa ma ante.
tomo kulupu li pimeja.
mi wile lape.

tenpo suno 15 pi tenpo mun 11

tenpo esun tu pini la mama meli mi li jo e ike sijelo.
mama meli mi li ken ala kon.
mama meli mi li tawa tomo pi pona sijelo.
jan pi pona sijelo li lon insa ilo e mama meli mi.
ilo li lukin e insa pi mama meli mi.
mama meli mi li jo e ike sijelo Numonija.
jan pi pona sijelo li pana e sike lili pona tawa mama meli mi.
tenpo ni la mama meli mi li pilin pona.
mama meli mi li tawa weka tan tomo pi pona sijelo.

tenpo suno 23 pi tenpo mun 10

tenpo esun pini la mi lon sewi pi tomo tawa mi e tomo tawa telo mi.


mi lawa e tomo tawa mi tawa ma lili ante.
mi tawa tomo pi jan pona mi.
jan pona mi li lon poka telo suli.
mi lon telo suli e tomo tawa telo.
mi sewi e len kon lon tomo tawa telo.
mi kepeken e kon tawa ni: kon li tawa e tomo tawa telo.
tenpo suli la mi tawa lon telo suli kepeken tomo tawa telo mi.


kon li wawa. tomo tawa telo mi li tawa wawa.
telo li lon insa pi tomo tawa telo mi.
len mi li telo.
mi pilin lete tan telo.
ni li pona tawa mi: mi tawa kepeken tomo tawa telo.
mi moku e moku poka jan pona mi.
mi lon sewi tomo tawa mi e tomo tawa telo mi.
mi tawa tomo mi kepeken tomo tawa mi.

tenpo suno 9 pi tenpo mun 10

kulupu mama mi li tawa ma lili Koneticut.
meli lili mi li utala musi lon telo lete kiwen kepeken ilo noka tu ona.
tomo pi utala musi li lon ma kasi.
mi lawa e tomo tawa Wolwo tawa ma ni.
meli lili mute li utala musi lon ma ni.
tenpo pimeja pini la mi mute li lape lon tomo lon ma pi tomo tawa kon.
mi mute li moku lon esun moku.
suno li lon sewi. kon walo li ala lon sewi.
seli li lon ala. lete li lon ala.
ni li pona tawa mi.
kasi suli kule li lon.
mi lukin e waso wawa.
waso wawa li sike lon sewi.
waso wawa li lukin tawa soweli lili.
waso wawa li wile moku.
lipu loje li lon monsi pi waso wawa.


mi wile open e tomo tawa mi.
tomo tawa mi li open ala.
mi toki tawa jan pi pona pi tomo tawa kepeken ilo toki kon mi.
jan ni li pona e tomo tawa mi.
kulupu mama mi li tawa tomo mi.

tenpo suno 5 pi tenpo mun 10

tenpo pimeja ni la mi lawa e tomo tawa mi tawa tomo pi tomo tawa wawa.
tomo tawa wawa li tawa lon palisa kiwen tu.
mi tawa tan ni: mi kama jo e mije lili mi lon tomo pi tomo tawa wawa.
mije lili mi li tawa tomo mi tan tomo sona.
telo li anpa.
ilo palisa pi tomo tawa li weka e telo tan lupa pi tomo tawa.
mi kama jo e telo wawa tawa tomo tawa mi.
mi pana e mani tawa telo wawa lon esun.

tenpo suno 2 pi tenpo mun 10

tenpo suno ni la mi tawa sijelo pi tomo mi.
jan pi pana lipu sitelen toki li pana e lipu tawa mi.
mi kama jo e nasin lipu pi pali tomo tawa telo.
mi lukin e nasin.
nasin li sitelen li nimi.

tenpo suno 27 pi tenpo mun 9

tenpo suno pini la mi pilin ike tan ni: kasi li pana e ko lili.
ko lili li pakala e nena kon mi.
mi ken ala kon pona.
mi ken ala lape pona.
mi kon kepeken uta mi.
telo li anpa.
telo li telo e kon.
tan ni la ko lili li anpa tawa ma.
tenpo ni la mi ken kon kepeken nena kon mi.

tenpo suno 14 pi tenpo mun 9

mi wile tawa kama kulupu pali.
kama kulupu li lon ma lili ante.
mi tawa insa pi tomo tawa kon.
mi anpa e monsi mi lon supa.
mi lon monsi pi tomo tawa kon.
mi jo ala e lupa poka mi.
jan suli li lon poka mi.
ilo pi tawa kon li pali ala.
mi pilin pona!
mi lukin e lipu toki mi.

tenpo suno 13 pi tenpo mun 9

mi jo e tomo tawa telo lili.
ona li kiwen walo.
mi tawa e tomo tawa telo kepeken palisa pi kasi kiwen.
mi wile e tomo tawa telo suli.
tenpo kama la mi wile pali e tomo tawa telo.
mi tawa e tomo tawa telo kepeken kon.
mi pali e ona kepeken kasi kiwen.
mi kama jo e lipu sitelen.
lipu sitelen li toki e nasin pali pi tomo tawa telo.
mi tu e kasi kiwen.
mi wan e wan pi tomo tawa telo.
mi kepeken e ko wawa tawa ni: wan e wan ante.
mi kule e tomo tawa telo.
ko telo kule li lon kasi kiwen la telo li tawa weka tan kasi kiwen.
mi pali e len suli kepeken ilo len.
le suli li awen e kon wawa.
mi pali e palisa suli.
mi lon palisa suli e len suli.
mi sewi e len suli kepeken linja.
mi lawa e tomo tawa telo kepeken palisa lawa.
palisa lawa li lon monsi pi tomo tawa telo.
kin la mi ken tawa e tomo tawa telo kepeken palisa kasi kiwen suli.
mi tawa e palisa tawa weka tan mi.
mi tawa e palisa tawa mi.
mi tawa e tomo tawa telo kepeken nasin ni.
suli pi tomo tawa telo li noka luka luka luka.
mi pana e mani tawa ni: mi kama jo e ilo pi tawa tomo tawa telo.
mi lon sewi pi ilo ni e tomo tawa telo mi.
mi ken tawa e ilo ni kepeken tomo tawa mi.
mi awen e tomo tawa telo lon tomo pi tomo tawa mi.
tenpo esun la mi ken awen lon tomo tawa telo mi.
mi ken seli e moku mi lon ona.
mi ken lape lon ona.
mi lon tomo tawa telo e poki lete.
mi lon poki lete e telo lete kiwen.
telo nasa mi li awen lete.
tenpo suno ni la mi jo e mani lili.
tenpo kama la mi jo e mani mute la mi ken pali e tomo tawa telo mi.

tenpo suno 11 pi tenpo mun 9
tenpo sike suno luka tu tu pini la jan ike li moli e jan mute.
jan ike li pakala e tomo suli tu.
tomo suli li lon ma tomo Nujoka.
jan ike li lawa e tomo tawa kon lon tomo suli.
jan mute li pilin ike.
jan ali li wile awen e sona ni lon lawa ona.

tenpo suno 3 pi tenpo mun 9
kulupu mama mi li lawa e tomo tawa mi tawa ma lili ante.
tenpo suno wan la kulupu mama mi li awen poka jan pona mi.
mi mute li sike e jan pona.
mi mute li toki. mi mute li moku.
soweli pi jan pona mi li pilin ike.
soweli li kepeken ala e noka monsi ona.

tenpo suno 28 pi tenpo mun 8
tenpo suno ni la jan mute li kama tawa ma tomo Wasinton.
jan mute li kama tawa tomo pi jan Linkon.
jan mute li kama tawa ni: awen e sona pi jan lawa pi nanpa wan pi ma Mewika.
jan mute li kalama musi uta.
mije li meli li toki tawa jan ali.
jan li toki e nimi ni.
o pona. o pilin.
o kama tawa jan sewi.
o toki tawa jan sewi.
jan li toki pona tawa jan utala pona.
jan mute li pana e mani tawa kulupu mama pi jan utala pona.

tenpo suno 25 pi tenpo mun 8
soweli lili li moku e kasi loje mi.
mi wile moli e soweli.
mi pana e sinpin lon selo pi ma kasi mi.
taso soweli li kama anpa e sinpin.
mi kama jo e ilo moli lon esun.
ilo ni li pakala e soweli.
mi lon ma kasi mi e ilo ni.

tenpo suno 23 pi tenpo mun 8
tenpo suno ni la mi pona e ilo sona pi meli lili mi.
mi weka e pipi lili tan ilo sona.
mi lukin lon ilo wan ma tan ni: mi wile jo e nasin pi weka pipi tan ilo sona.
mi kama jo e ilo pona tu tan ilo wan ma.
mi kepeken e ilo ni tan ni: pona e ilo sona.
tenpo ni la meli lili li pilin pona.

mi jo e ilo. ilo mi li pali ni: ona lon lipu e nimi.
ilo mi li pakala.
mi pona e ilo mi.
mi weka e lipu pakala tan ilo ni.
tenpo ni la ilo mi pali.

tenpo suno ni la telo mute li kama.
mi wile awen e telo lon insa ala pi tomo mi.
mi lon anpa pi tomo mi e ilo pi weka telo.
mi lon poki wawa e linja wawa pi ilo ni.
mi lon insa ala pi tomo mi e linja telo ante.

tenpo suno 22 pi tenpo mun 8
tenpo suno ni la mi jaki ala e tomo tawa mi.
mi telo e selo pi tomo tawa mi.
telo kama tan linja.
mi jaki ala lon insa pi tomo tawa mi.
mi kepeken e ilo pi kon tawa wawa.
ilo ni li weka e kiwen lili.
mi telo e lupa kin.
mi pana e lipu lon poki.
tenpo ni la tomo tawa mi li jaki ala li pona.

tenpo suno 20 pi tenpo mun 8
tenpo pimeja pini la mi pana sona pi musi utala Ikito.
jan luka luka tu tu li kama. seli mute li lon.
mi pali musi poka jan mi.
mi wile sona ni: ona li seli seme.
mi pana sona pi luka wan utala.
kin mi pana sona kepeken palisa utala kasi.
meli li tu e luka mi kepeken pini pi palisa luka ona.
palisa luka mi li pana e telo loje mi lili.
meli li pana e len pona lon luka mi.
meli pilin ike. mi toki ni: o pilin ike ala.
mi tawa tomo mi la mi lon luka mi e kon pona.

tenpo suno 18 pi tenpo mun 8
meli pi jan pona mi li kama tawa tomo mi.
jan pona mi li kama moli.
mi weka e ijo ike tan meli ona.
tenpo suno ni la mi wile pona e tomo mi.
mi wile lon lupa tomo e len.
mi wile lon supa lape e len sin.
tenpo pimeja tu la meli li awen lon tomo mi.
mi pilin pona tan ni: mi wile lukin e meli pi jan pona mi.

tenpo esun pini la mi pona e ma kasi mi.
mi weka e kasi ike.
mi lon ma kasi e sike sin.
sike li kasi Letus en kasi Pin (beans).
tenpo suno sin ali la mi lon ma kasi e telo.

mi jo e tenpo lili lon pali mi.
mi jo e pali mute.
mi wile jo e tenpo esun weka pali mi.
tenpo mi weka pali la mi wile lape mute.
mi wile tawa e tomo tawa telo kepeken kon wawa.
mi tawa ma musi poka kulupu mama mi.

tenpo suno 12 pi tenpo mun 8
tenpo suno ni la mi moku e kili loje.
kili mi li tan ma kasi mi.
kili loje ni li pona tawa uta mi.
tenpo sike ni la kili loje li nanpa wan.

tenpo suno 27 pi tenpo mun 7
tenpo pimeja ni la mi lukin e ilo pi sitelen tawa.
mi lukin e musi Warehouse 13.
mi seli e moku mi lon poki seli.
mi moku e soweli e pan.
ilo sona mi li pakala.
ilo sona mi li jo e ijo ike.
tenpo suno ni la lete li lon.

tenpo suno 1 pi tenpo mun 7

mi wile pali e ni: pona e tomo mi.
weka e kasi ike tan ma kasi mi.
pana e ijo wawa pona lon sewi pi tomo mi.
sitelen e lipu mani tawa esun.
ante e telo pimeja tan tomo tawa mi.
musi poka kulupu mama.

mi lon tomo pi jan pi pona pi tomo tawa.
jan li weka e telo pimeja tan tomo tawa mi.
mi anpa e monsi mi lon supa.
tenpo mute la mi awen. mi jo e ilo sona mi.
mi lukin tawa lipu pi toki pona.
lete li lon tomo tan ilo lete.

tenpo suno ni la mi sewi e ijo suli.
ni li ijo Keteltel.
ni li pona tawa sijelo mi.
insa mi li tawa e kon mute.
telo li lon selo pi sijelo mi.

tenpo pimeja ni la mi seli e soweli lon seli.
mi moku e soweli.
soweli seli li pona tawa insa mi.

tenpo suno 30 pi tenpo mun 6

tenpo suno ni la mi pini e pali mi.
tenpo suno luka kama la mi pali ala.
mi mute li musi lon tenpo suno Juli 4.
tenpo suno kama la mi pali lon tomo mi.
tenpo esun pini la mi moku e moku lili.
tenpo esun pini la sijelo mi li mute.
tenpo suno ni la sijelo mi li lili.

tenpo suno 27 pi tenpo mun 6

mi pana sona pi toki pona tawa meli lili mi.
mi kepeken kulupu nimi lili.
mi toki ni: tenpo lape, lape pona, sina moku, moku sina li pona ala pona, moku li pona.
mi pana e lipu nimi tawa meli.
mi kama pilin lon toki pona.
mi kama tawa tomo mi tan ma tomo OKC.
mi pali lon ma kasi mi. mi weka e kasi ike.
mi lon ma kasi mi e kasi sin.
mi tu e kasi laso kepeken ilo wawa.

tenpo suno 28 pi tenpo mun 5

mi moku e moku tan ma kasi mi.
tenpo sike ni la ni li moku pi nanpa wan tan ma kasi mi.
mi moku e kasi Letes e kasi Spinas e kasi Rates.
moku ni li sin.
moku ni li pona tawa mi.
moku ni li pona tawa oko mi.
moku ni li pona tawa sijelo mi.
sina wile ala wile moku?
a, a, a!



tenpo suno 25 pi tenpo mun 5

tenpo mun kama la mi wile jo e lipu sin pi ken lawa pi tomo tawa mi.
mi pilin ike tan ni: lukin mi li kama ike.
mi lukin e lipu toki kepeken ilo oko.
tenpo suno ni la mi tawa jan pi sona oko.
jan li kama sona e ni: mi lukin seme.
mi ken lukin mute weka.
mi ken ala lukin mute lili.
jan pi sona oko li pana e telo lon oko mi.
insa pi oko mi li suli.
jan li lukin e oko mi.
jan li lukin insa lawa mi kepeken ilo suno.
oko mi li lupa lon lawa mi.
jan li toki ni: oko mi li pona.
mi ken kin lukin e meli pi pona lukin.

tenpo suno 21 pi tenpo mun 5

mi lon ma lili Okaloma.
mi anpa e monsi mi lon tomo pi tomo tawa kon.
mi tawa tomo mi lon ma tomo Poston.
tenpo esun pini la kon sike wawa li lon ma lili Okaloma.
tenpo ni la mi lon ma tomo Talas.
mi wile jo e telo.
jan moku pana ala e telo tawa mi. mi pilin ike.
tenpo pona la mi kama tawa tomo mi.

tenpo suno 11 pi tenpo mun 5

mije mi li lon tomo sona.
mije mi li wile pana e mani tawa tomo sona.
mije mi li jo ala e mani.
mije mi li kama jo e mani tan tomo mani.
mije mi li wile sitelen e lipu pi tomo mani.
mije mi li wile sitelen e nimi ona lon lipu.
mije mi li pini kama jo e sona la ona li wile pana e mani tawa tomo mani.

tenpo suno 9 pi tenpo mun 5

tenpo suno ni la mi mute li pana pona tawa mama meli. mama meli pi mi mute li pali mute tawa mi mute. mama meli li pana e moku tawa mi mute. mama meli li pana e len tawa mi mute. mama meli li pana sona pi pona en ike tawa mi mute. mama meli li olin e mi mute. mi en meli sama li tawa tomo pi mama meli. mi mute li moku e moku. mi mute li toki. ni li pona tawa mi mute.

tenpo suno 8 pi tenpo mun 5

mi tawa ma tomo San Petepuka. ma tomo ni li lon ma lili Powita. tenpo esun wan la mi pali lon ma tomo ni. seli mute li lon. tenpo suno ali la mi pali lon tomo pali. tenpo pimeja la mi tawa noka lon ma tomo. tomo moku mute li lon. mi moku e kala sin mute. mi tawa noka poka telo. mi lukin e tomo tawa telo. ona li wawa kon. ona li jo e palisa suli tawa len kon. linja li utala e palisa. ona li kalama. mi kon e kon telo. waso telo li kalama.

tenpo suno 31 pi tenpo mun 3

mi pali e tomo pi suli kasi tawa ma kasi mi.
selo li kule ala.
suno li tawa insa e selo.
tenpo pimeja la seli li awen lon insa selo.
mi kepeken palisa sike tan ni: palisa li sewi e selo.
mi pana e pini palisa lon ma.
mi wile ala ni: kon tawa li weka e selo.
tenpo suno li seli la mi ken weka e selo.



tenpo suno 30 pi tenpo mun 3

tomo pi jan pona mi li lon poka pi tomo mi.
jan pona mi li jo e soweli lili tu wan.
tenpo suno luka la jan pona mi li tawa ma ante.
mi pana e moku tawa soweli ona.
mi tawa noka e ona.
mi tawa e soweli lon insa ala tomo tan ni: soweli li pana e telo jelo.
mi musi poka soweli.
mi pona tawa soweli.
soweli li lukin e mi la soweli li mu.

tenpo suno 29 pi tenpo mun 3

tenpo suno sin ni la mi tawa tomo pi pona sijelo e meli mi kepeken tomo tawa mi.
jan pi pona sijelo li tan ni: meli mi li lape.
jan pi pona sijelo li weka e ijo tan insa pi meli mi.
mi awen lon tomo pi pona sijelo.
jan pi pona sijelo li toki tawa mi.
jan pi pona sijelo li toki e ni: meli mi li pona.
jan pi pona sijelo li lukin e ijo tan insa meli mi.
ijo li ike ala.
tenpo suno sama la mi tawa tomo mi e meli mi.
meli mi li pona lili.

tenpo suno 26 pi tenpo mun 3

tenpo suno ni la mi jo e tomo tawa tu mi.
tomo tawa tu mi li pona.
tenpo pimeja pini la mi pilin lape e ni: mi lawa e tomo tawa loje.
taso tomo tawa mi li kule pimeja.
mi pilin mute tomo tawa mi.
ken la tenpo ni la mi ken pilin e pilin ante.
mi wile pilin e pilin pona.

tenpo suno 24 pi tenpo mun 3

sin la tomo tawa pakala
meli mi en mi li jo e tomo tawa tu wan.
sike suno mute la jan li pali e tomo tawa mi mute.
tenpo suno pini la tomo tawa wan li lon tomo pona.
tenpo suno ni la meli mi li lawa e tomo tawa ona tawa esun moku.
tenpo lili pini la meli mi li kama tan esun.
meli mi li ken ala open e ilo wawa pi tomo tawa.
meli mi li toki tawa jan pi pona pi tomo tawa.
jan li lon ma tomo sama.
jan li tawa tomo pona e tomo tawa.
jan li pana e tomo tawa ante tawa meli mi.
meli mi li lawa e tomo tawa tawa tomo pi mi mute.
meli mi li toki tawa mi kepeken ilo toki.
meli mi toki mute.
jan pi pona pi tomo tawa li pona tawa mi.
tenpo suno kama la mi wile ni: tomo tawa tu pi mi mute li pona.

tenpo suno 22 pi tenpo mun 3

tenpo suno ni la telo lili li anpa.
seli lili li lon.
poki seli mi li pakala.
mi ken ala seli e moku mi.
mi toki tawa jan pi pona ijo.
tenpo suno kama la jan pi pona ijo li kama tawa tomo mi.
tenpo pimeja la mi moku e moku seli.

tenpo suno 17 pi tenpo mun 3

tenpo suno ni la jan mute li awen e sona pi jan Pati.
tenpo mute pini la jan Pati li lon ma Ilan.
jan Pati li jo e sona pi jan sewi.
jan Pati li pana e sona ni tawa jan Irelan.

tenpo suno 16 pi tenpo mun 3

tenpo suno pini la telo mute li anpa.
kon tawa li wawa.
telo mute li lon nasin pi tomo tawa.
tomo tawa li ken ala tawa lon nasin.
nasin ali ala li pini.
telo li sike e tomo pi jan pona mi.
telo li lon insa tomo pi jan mute.
telo ala li lon tomo mi.
mi jo e ilo pi telo weka.
telo anpa li pona tawa mi.
ko pi telo lete li pona ala tawa mi.

tenpo suno 13 pi tenpo mun 3

tenpo kama la meli lili mi li tawa kama musi.,
meli lili mi li wile jo e len musi sin.
mi mute li lukin tawa len sin.
mi mute li tawa esun len mute.
meli lili mi li lukin e len mute.
mi pilin lape.
pini la meli lili mi li kama jo e len pi pona lukin.
mi pilin e pona.

tenpo suno 12 pi tenpo mun 3

tenpo suno pini la mi kama jo e lipu toki mi pi sike kasi.
tenpo suno ni la mi lon poki e sike kasi.
poki li lon insa pi tomo mi.
mi lon poki e ma pona.
mi wan en ma en kiwen lili en ijo wawa lili lon poki.
mi pana e poki lon poka lupa.
suno li pana e wawa tawa kasi lili.
seli lili li lon la mi pana e kasi lili lon insa ala pi tomo mi.
mi sitelen e nimi lon ilo sona mi.
sitelen li tawa ni: mi awen e sona pi kasi mi.

tenpo suno 11 pi tenpo mun 3

tenpo suno ni la mi kama lukin e jan pona mi.
tenpo suli la mi lukin ala e jan pona mi.
mi tu li toki mute.
ni li pona tawa mi.
tenpo suno kama la mi tawa tomo mi.
mi wile moku,
insa mi li kalama.
mi pali kepeken ilo sona mi.

tenpo suno 8 pi tenpo mun 3

tenpo suno ni la mi tawa ma lili ante.
mi tawa kepeken tomo tawa kon
mi tawa tan pali mi.
tenpo pimeja ni la mi moku lon tomo moku.
mi moku e soweli e kasi ma.
jan li pana e moku tawa mi.
mi pana e mani tawa jan.
mi lape lon tomo ante.

tenpo suno 6 pi tenpo mun 3

tenpo suno ni la kulupu li lon tomo sona pi utala musi Ikito.
kulupu pi jan pi kama sona li mute.
kulupu li kepeken e ilo utala.
ilo utala li palisa suli.
ilo utala li tu.

tenpo suno 28 pi tenpo mun 2

kulupu mama mi li lukin e utala musi pi sike luka.
utala musi li lon ma tomo Wankuwa.
jan pi utala musi li tawa noka lon insa tomo suli.
jan tu tu pi utala musi li suno e poka seli.

meli mi li lukin e jan pi tawa musi lon telo kiwen.
ni li pona tawa meli mi.
mi lukin e meli pi pona lukin.
meli pi pona lukin li pona tawa mi.
mi lukin e jan ni: jan li kepeken palisa suli tu.
ona li tawa anpa nena.

meli mi li wile jo e len luka loje pi utala musi.
jan pona pi meli mi li pana e len luka loje tawa meli mi.
meli mi li pilin pona.

jan wan li kama moli lon utala musi.
jan ni li lawa e tomo tawa lon nasin pi telo kiwen.
tomo tawa ona li weka e nasin.
sijelo jan li pakala.
mi mute li pilin ike tan ni.
mi mute li toki tawa jan sewi tawa jan ni.

tenpo suno 15 pi tenpo mun 2

tenpo sike suno mute pini la jan pona mi en mi li lon tomo sona sama.
tenpo pini sike suno tu wan la jan pona mi li kama moli.
mi pilin ike mute tan ni.
mi sitelen e lipu pi nimi mute.
mi pana e lipu tawa meli pi jan pona mi.
mi toki tawa meli pi jan pona mi kepeken ilo toki.
mi wile weka e pilin ike pi meli pi jan pona mi.

tenpo suno 12 pi tenpo mun 2

mi li pilin ike tan monsi pi sijelo mi.
mi tawa jan pi sona sijelo.
jan pi nasin Kilopato li pona e monsi pi sinpin mi.
jan li kepeken e ilo lili.
ilo li tawa e palisa pi monsi mi.
tenpo ni la mi pilin pona lon monsi mi.

tenpo suno 10 pi tenpo mun 2

ko pi telo kiwen li kama.
tenpo lili la mi pali lon tomo pali.
ko li kama la mi tawa tomo mi.
jan pi sona kon li toki ni: ko mute li kama.
jan li toki e nimi pi lon ala.
kon seli tan telo suli li anpa e mute pi ko pi telo kiwen.
mi awen lon insa pi tomo mi.
mi pali e seli kepeken kasi kiwen.
tenpo lili la mi tawa lon insa ala.
mi tawa e kon kiwen kepeken ilo.
kon li täwa wawa.
lete li lon.

tenpo suno 8 pi tenpo mun 2

ilo wawa pi tomo tawa mi li pakala.
mi kepeken e ilo linja tu tawa ni: mi open e tomo tawa mi.
ilo linja tu li pana e wawa tawa tomo tawa.
mi lawa e tomo tawa mi tawa tomo pi pona tomo tawa.
meli mi li kama jo e mi.
meli mi li tawa tomo pi mi mute e mi.
mi pali tan tomo mi kepeken ilo sona.
mi pali kepeken ilo wan ma.
mi jo e tomo tawa tu wan.
tomo tawa tu li lon tomo pi pona tomo tawa.
ni li ike tawa mi.

tenpo suno 5 pi tenpo mun 2

tenpo suno ni la utala sona musi li lon tomo sona pi meli lili mi.
jan lili li pana e pali sona ona.
pali sona ona li toki ni: ijo li pali kepeken nasin seme.
mi jan lawa lon utala sona.
mi lukin e ijo sona pi jan lili.
mi sitelen e nanpa tawa ijo sona.
mi sitelen e nanpa suli tawa ijo sona pona.
mi sitelen e nanpa lili tawa ijo sona pona ala.

tenpo suno 3 pi tenpo mun 2

tenpo sike suno mute la tomo tawa mi li lon.
Mi lawa e tomo tawa mi tawa nasin suli.
mi pana e ona tawa kulupu pi jan pona.
kulupu ni li pali e pali pona tawa jan pi mani ala.
kulupu ni li pana e tomo tawa wawa tawa tomo mi.
tomo tawa wawa li weka e tomo tawa mi.
Tomo tawa mi li pona e ali pi jan lili.

tenpo suno 2 February 2010

tenpo suno pini la soweli li lape lon anpa ma.
tenpo suno sin la soweli li tawa sewi tan lupa ona.
soweli li lukin e suno.
soweli li lukin e sitelen pimeja ona lon ma.
soweli li tawa anpa ma.
soweli li lape sin.
jan mute li pilin ike.
tenpo mun wan sin la tenpo lete li lon.

tenpo suno 30 January 2010

tomo mi
tenpo sike tu tu la jan li tomo e tomo mi.
tomo mi li pona mute.
taso tomo mi li ike lili.
sinpin anpa pi tomo mi li pakala.
lupa linja tu wan li lon sinpin ni.
telo li kama la telo li tawa nasin pi lupa linja lon insa tomo mi.
mi toki tawa jan pi pona tomo.
jan pi pona tomo li pona e sinpin.
jan li lon insa lupa e ko wawa.
ko wawa li pini e telo.
jan li kalama.
jan li telo e sinpin kepeken ilo wawa.

poki telo mi li pakala.
ona li lon tomo pi moku seli mi.
tenpo ali la ona li pana e telo.
meli mi li kama lukin e ijo telo lon anpa pi poki telo.
mi toki tawa jan pi pona tomo.
jan pi pona tomo li pona e poki telo.


tenpo suno 28 January 2010

jan li wile moku e telo mute.
telo li pona tawa sijelo jan.
tenpo suno ali la jan li wile moku e poki luka tu wan pi telo pona.
telo mute li pona e sijelo.
telo li ken pini e ike sijelo.
telo li ken lili e sijelo sina.
telo mute li anpa e wile moku.
telo li ken anpa e wawa pi telo sijelo loje.
o moku ala e telo suwi kon.
telo suwi kono li weka e kiwen pona tan sijelo jan.
o moku ala e telo pimeja mute.
telo pimeja li nasa e jan.
telo pona li pona mute.

tenpo suno 23 January 2010

mama kulupu mi li tawa ma tomo ante lon ma lili mi.
mi mute li tawa lon nasin suli.
meli lili mi li utala e meli ante lon telo kiwen.
ona mute li tawa lon sewi li sike.
ona mute li len e ilo tu lon noka ona.
meli lili mi li pini lon nanpa tu wan.
tenpo pimeja la mi mute li awen lon tomo ante.
mi mute li pana e mani tawa tomo ante.
tenpo suno kama la mi mute li tawa tomo mi.

tenpo suno 18 January 2010

tenpo suno ni la mi mute li pilin pi jan pona Maten Kin.
jan ni li kule pimeja.
jan ni li toki e nimi pona.
jan ni li pali e ijo pona.
jan ni li pana e pona tawa jan mute.
jan ike li moli e jan pona ni.

tenpo suno 16 January 2010

tenpo suno ni la mi tawa kulupu pi musi utala Ikito.
kulupu li lon tomo sona utala mi.
jan mute li lon kulupu.
jan sona tu wan li pana e sona pi musi utala tawa mi mute.
tenpo suno la mi mute li jo tenpo sona luka wan.
mi pilin e sijelo pi pona ala.


tenpo suno 14 January 2010

tenpo lete li lon.
taso mi pilin e tenpo lete pini.
mi pilin e ma kasi mi.
mi wile lukin e lipu kulupu pi sike lili.
tenpo sike ni la mi wile lon ma kasi mi e sike ante mute.
tenpo kama la mi wile pali e tomo seli lili pi ma kasi.
tomo seli li kepeken selo pi len kule ala e ijo sike.
tenpo pimeja la tomo seli li awen e seli tawa kasi.
tenpo seli la mi weka e tomo seli.

tenpo suno 12 January 2010

tomo tawa mi li jaki.
nasin pi tomo tawa li jaki.
tomo tawa suli li lon nasin e ko tan kiwen lili.
ko li lon nasin la tomo tawa li awen lon nasin.
ko li pakala e telo kiwen lete.
tomo tawa mi li jaki tan ni: ko li lon nasin.
mi wile telo e tomo tawa mi.
taso lete mute li lon.
tomo tawa pi meli mi li lon insa tomo pi tomo tawa.
tomo tawa mi li lon insa ala.

tenpo suno 10 January 2010

lete mute li lon.
telo li kiwen.
jan lili li tawa lon telo lete kiwen kepeken ilo noka tu.
jan pi tenpo sike mute li awen lon insa tomo ona.
mi weka tan tomo mi la mi len e len mute.
mi len e len luka kin.
mi pali e seli lon insa poka seli.
mi jo e kasi kiwen mute lon tomo mi.
tenpo lete la selo pi luka mi li jo e tu e nena.
mi lon luka mi e telo pona.

2009 Toki Pona Posts

Note: English translation can be found here.

tenpo suno December 31, 2009

tenpo pimeja ni la kulupu mama mi li tawa ma tomo Pasen.

mi mute li lon kama kulupu pi tenpo pimeja pi nanpa wan.

mi mute li tawa kepeken tomo tawa pi ma anpa.

mi mute li lukin e musi pi telo kiwen.

mi mute li lukin e kule wawa lon sewi.

jan utala pona li lukin e jan ike.

jan utala pona li jo e ilo moli suli.

lete lili li lon.

jan mute li tawa ma tomo.

tenpo suno December 25, 2009

tenpo pimeja la jan pi lawa soweli li lon ma kasi. ona li lukin e soweli ona.

jan sewi lili li kama. jan pi lawa soweli li pilin ike.

jan sewi lili li toki ni: o pilin ike ala.

jan sewi lili li toki e nimi pona.

tenpo ni la jan lili Kolisu li kama lon ma tomo pi jan Tawita.

jan lili Kolisu li lon poki pi moku soweli.

jan sewi lili li pana e kalama musi mute lon kon sewi.

jan pi lawa soweli li tawa ma tomo Petelen.

jan pi lawa soweli li kama lukin e jan lili Kolisu lon poki pi moku soweli.

jan pi lawa soweli li kama sona e nimi toki pi jan lili Kolisu.

tenpo suno December 14, 2009

tenpo suno pini la mi mute li pana mani tawa kasi Kolisu.

kasi li pana e kon pona tawa tomo mi.

mi mute li lon kasi e ilo suno.

mi mute li lon kasi e ijo musi pona.

mi pana e telo tawa kasi.

kasi li pona lukin.

tenpo suno December 12, 2009

tenpo esun pini la mi tawa ma tomo Okajoma.

ni li tawa pali mi.

mi tawa kepeken tomo tawa kon.

lete li lon. telo kiwn li lon nasin.

jan mute li lon tomo toki.

mi mute li toki ni: seme nasin la ilo li pali.

mi lon ma tomo la mi tawa lukin e jan pona mi.

tenpo suli la mi lukin ala jan pona mi.

tenpo suno November 29, 2009

tomo tawa telo li pona tawa mi. mi jo e tomo tawa telo Canoe.

tenpo suno ni la meli lili mi en mi li tawa kepeken tomo tawa telo mi.

mi mute li tawa e ona kepeken palisa pi kasi lipu.

pini pi tomo tawa telo mi li sama.

telo li weka ala tan tomo mi.

mi mute li lukin e waso walo tu.

seli li lon. kon li lili.

mi wile pali e tomo tawa telo kon.

mi pali e ona kepeken kasi en len.

len en ko wawa li pali e tomo tawa telo wawa.

tenpo kama la mi pali e ona poka tomo mi.

tenpo sike tu la mi pini e tomo tawa telo mi.

tawa kepeken wawa kon li pona tawa mi.

tomo tawa telo li ken poki e jan tu wan.

mi tawa e ona kepeken tomo tawa mi.

mi wile tawa lon telo poka ma tomo Pasen.

tenpo suno November 26, 2009

tenpo suno ni li lon tenpo pi pana pona lon ma Mewika.

kulupu mama mi li kama tawa tomo mi. mi mute li pana e pona tawa jan sewi tawa kulupu mama mi en moku en ijo mi. mi mute li moku e waso suli wan. mi telo e waso li seli e ona.

waso wan li moku pona. mi mute li moku e waso mute.

tenpo suno November 24, 2009

tenpo suno ni la kon telo li anpa. mi open e ilo suno pi tomo tawa mi. lete lili li lon. tenpo suno sin ni la mi moku e kili tawa moku. mi tawa esun. mi pana e mani tawa kili.

mi lon tomo pali mi. lete li lon insa tomo pali. mi len e len sinpin. mi wile tawa tomo mani.

mi moku e pan sike pi kili loje. mi kama jo e mani mi.

tenpo lili la mi wile tawa tomo mi. meli lili mi li wan lon tomo mi. meli olin mi li pali.

tenpo pimeja ni la mi pali e pali musi. mi sewi e ijo wawa. mi pali mute.

tenpo suno November 20, 2009

toki pona li pona tawa mi.

mi ken toki e ijo mute kepeken nimi pi nanpa lili.

jan pi ma ante li kama suno e toki pona la jan ali li ken toki tawa jan sama.

ijo mute pi nasin toki pona li pona tawa mi.

ijo pona li pona. toki pona li pona.

taso ijo lili pi nasin toki pona li pona ala tawa mi.

nanpa suli li pona tawa mi.

toki pona li wile jo e nimi nanpa suli. tenpo suno la jan li wile kepeken e nanpa suli.

mi pilin e ni: ilo li jo e wan mute la ilo li pona kin.

ilo ike li pona kin.

tenpo suno November 17, 2009

tomo tawa laso mi li lon tomo pi pona pi tomo tawa sin.

tenpo suno ni la mi lon tomo pali. len sinpin mi li lon poka lupa. tenpo suno ni la mi len e len sinpin suli. lete li lon.

tenpo suno ni la pali li pona ala. pali li nasa.

jan li pona e sewi pi tomo pali. jan li kalama mute. pilin mi li pona ala. lawa mi li pakala.

toki pi ilo sona li pona tawa mi. toki Smalltalk li pona tawa mi. mi jo e toki awen sona pi toki Smalltalk. mi jo e tenpo lili tawa kama sona. mi wile e tenpo mute tawa kama sona.

tenpo pimeja la mi pali e pali musi. mi sewi e ijo wawa.

tenpo pimeja ni la mi mute li lukin e sitelen tawa pi nimi Prisoner. sitelen tawa li nasa.

mi jo e kasi kule lon insa pi tomo mi. kule kasi li loje.

tenpo suno November 8, 2009

tenpo suno ni li tenpo suno ante.

tenpo sike pini luka luka la mama mije mi li moli.

mi pilin ike kin. tenpo sin la mi wile lukin e mama mije mi

mi pilin e ni: tenpo li tawa mute.

mi toki tawa jan sama meli mi.

mi mute li toki e ijo pi tenpo pi pilin pona pi poka mama mije.

tenpo suno November 6, 2009

sijelo pi meli lili mi li pona ala.

ken la ona li kama jo e sijelo ike pi soweli moku jaki.

meli lili mi li lon tomo sona la meli lili li pilin seli.

lawa pi meli lili li pilin ike.

meli olin mi li kama jo e meli lili tan tomo sona.

meli lili mi li lape lon supa lape.

meli lili li moku e telo mute.

meli lili li moku e telo kiwen lete suwi.

meli lili li moku e moku sike lili pi pona lawa.

tenpo lili kama la meli lili li tawa ala tomo sona.

jan lili mute li jo e sijelo pona ala.

tenpo suno November 5, 2009

tenpo suno pini la tomo tawa loje mi li kalama.

noka mi li tawa anpa e ijo lawa wawa la ona li kalama.

noka mi li tawa sewi e ijo lawa wawa la kalama li pini.

mi lawa e tomo tawa mi tawa esun pona pi tomo tawa.

tomo tawa mi li awen lon esun.

tenpo suno la jan pi sona pona pi tomo tawa li toki tawa mi.

jan li toki e ni: jan li pona e tomo tawa mi la mi pana e mani mute tawa jan.

ken la mi weka e tomo tawa lon ma pi ijo jaki.

mi jo e tomo tawa tu kin.

tenpo suno November 4, 2009

meli lili mi li kama sona e sona 'Piloloki'.

tenpo suno la jan sona li lukin e sona pi meli lili mi.

tenpo pimeja pini la meli lili li kama sona poka mi.

mi mute li kama sona e ni: kasi li pali e wawa kepeken suno kepeken nasin seme.

mi mute li kama sona e ni: sike lili li ante e suwi tawa wawa kepeken nasin seme.

tenpo suno November 1, 2009

tenpo mute la mije li sike e suno.

mije li moli la mije li wile jo e mani ona. mije li tawa tomo mani. mije li jo e mani ona. mije li lon insa poki len tu e mani. mije li lon sewi pi tomo ona e poki.

mije li pilin ni: tenpo pi moli mi la mi jo e poki mani lon sewi pona.

tenpo lili la mije li kama moli lon tomo ona.

meli ona li lukin e poki mani lon sewi tomo.

meli ona li pilin e ni: tenpo pini la mije li wile lon anpa tomo e poki mani.

mije li pilin e ni: mi tawa sewi pona. taso mije li tawa anpa ike.

tenpo suno October 31, 2009

mi pana e mani tawa kasi suli. kasi suli li tawa poki seli mi. tenpo lete la mi pali e seli lon poki seli.

tenpo suno October 30, 2009

tenpo suno la mi pana e sona 'Aikido'. tenpo pimeja ni la mi tawa kulupu musi pi jan pona mi. mi len e len pi jan kasi. mi moku e poki wan pi telo nasa. mi lawa e tomo tawa mi lon tomo mi. wawa tawa tomo tawa li mani mute. tenpo suno kama la mi wile kama jo e mije lili mi lon tomo sona.

tenpo suno October 28, 2009

tenpo kama lili la tenpo pimeja Alowen li lon. jan lili li len e len musi. jan lili li pana e ijo musi selo sinpin ona. jan suli li lukin e ona lili. jan ni li pilin ike. jan lili li kalama lon lupa tomo. jan lili li kama jo e suwi. jan suli pi ali ala li len e len musi kin. jan ali li moku e suwi. jan suli li wile e kon pona. jan lili li pali e sinpin kepeken kili jelo loje. jan li pana lon insa kili jelo loje e ilo suno.

tenpo suno October 15, 2009

tenpo suno pini la kulupu mama mi li kama jo e tomo tawa ante. tomo tawa li sin ala. tenpo pini la jan wan taso li jo e ona. tomo tawa li jo e wawa pi sike tu tu. tenpo pi telo kiwen lete la ona li lawa pona. nimi 'Jipi' li nimi pi tomo tawa. ona li pimeja. tenpo mute la mi awen lon linja. mi wile e lipu sin pi jo tomo tawa e ijo nanpa. meli mi li pana e sona pi tawa musi lon tenpo lete. tenpo lete en tenpo pi telo kiwen la meli mi li ken tawa kepeken tomo tawa ni.

tenpo suno October 9, 2009

mi jo e soweli lili lon tomo anpa pi tomo mi. mi lukin e ko jaki tan soweli lili. mi weka e ko jaki. soweli lili li jo e pipi lili ike. pipi lili ike li ken pakala e sijelo jan. mi kama jo e moku ike. moku ike li moli e soweli lili. soweli lili li tawa tomo mi seme? mi lukin lupa lili. mi wile moli e soweli lili. tan ni la mi ike ala ike?

tenpo suno October 7, 2009

tenpo suno li kama lili. lete lili li lon. kasi mi li kama moli. ma kasi mi li pini tawa tenpo sike ni. mi pilin ike. mi weka e kasi moli. mi weka e kasi ike. mi tawa e ona tawa nena pi ma pona. mi pana e ma pona lon ma kasi mi. tenpo pini lili la ma kasi mi li pali e kili Tomato e kili Kawoti e kili Pin. tenpo sike pini la mi pana e kasi lili pi kule loje pi tu tu. tenpo ni la kasi li suli sama mi.

tenpo suno October 6, 2009

tenpo pini lili la, kulupu mama mi li tawa ma tomo (Colorado Springs) kepeken tomo tawa kon. meli lili mi li tawa lon telo lete kiwen kepeken ilo tu. meli lili mi li utala poka meli lili ante. utala musi pi ma lili pi ma Mewika li nimi e utala musi. meli lili mi li pali pona. meli lili mi li kama jo e ijo pi kiwen jelo. meli lili mi li kama jo e pona nanpa wan. mi mute li tawa tomo sona pi tomo tawa kon pi ma Mewika. mi mute li tawa tomo sona pi utala musi pi ma Mewika. ma tomo ni li lon nena sewi. mi mute li tawa pona ala e kon. mi mute li moku e telo mute. mi mute li kepeken e tomo tawa kepeken mani.

tenpo suno October 2, 2009

tenpo suno pini la tomo tawa pi meli mi li pakala. tomo tawa ante li utala e tomo tawa pi meli mi. jan ala li pakala. tomo tawa pi meli mi li tawa lon sewi sinpin kiwen. meli mi li lawa pona e tomo tawa. jan ante li lawa ike e tomo tawa. tomo tawa pi wawa mute li kama. ona li weka e tomo tawa mi. lupa tu pi tomo tawa li pakala. jan pona li ken pona e tomo tawa.

tenpo suno August 11, 2009

tenpo pini lili la mama mije pi meli mi li kama moli. nimi ona li jan Wapa. ijo insa ona pi tawa telo loje li pini. tomo tawa li tawa e jan Wapa tawa tomo pi pona sijelo. jan pi sona sijelo li wile open e ijo pi tawa telo loje. taso ijo ona li open ala. kulupu mama mi li tawa tomo pi pona sijelo. jan pi sona sijelo li toki e nimi ike tawa mi mute. ona li toki e ni: jan Wapa li moli. mi mute li pilin ike. mi mute li pana e telo oko. tenpo lili la mi mute li awen lon poka sijelo pi jan Wapa. meli pi jan Wapa li weka e sike wan tan luka pi jan Wapa. mi toki tawa jan lili tu mi. ona li pana e telo oko. mi sike e ona.

mi mute li pali e sona tawa lukin sijelo. meli pi jan Wapa li wile e poki sijelo. jan li telo e sijelo. jan li pana e sijelo lon insa poki sijelo. kulupu mama mute en jan pona mute li kama tawa lukin sijelo. ona mute li pana e kasi kule mute. ona mute li pilin ike. jan li open ala e poki sijelo. mi mute li pana e oko telo.

kulupu mama en jan pona li kama kulupu lon tomo sewi. jan luka en mi li tawa tomo sewi e poki sijelo. mi mute li kute e kalama musi pona. jan sewi lili li toki e nimi pona sike jan Wapa. ona toki ni: ona li moli ala. ala li moli lon kon sewi. jan mute li toki tawa jan sewi. tomo tawa li tawa e poki sijelo tawa ma moli. kulupu mama li toki ni: tawa pona. o lape lon pona ali. jan li anpa e poki sijelo lon anpa ma. jan mute li tawa tomo mi. ona mute li moku e moku e telo nasa. jan li toki e nimi pi tenpo pini sike jan Wapa.

tenpo suno July 15, 2009

tenpo ni la jan li pilin ike lon ma Mewika. mani lili li lon. jan mute li jo ala e pali awen. ken la tan wan li ni: jan li jo ala e mani. jan mute li wile jo e tomo. kulupu lawa li toki ni: tomo mani li wile pana e mani tawa jan. jan li pana e mani tawa tomo. taso jan li ken ala pana e mani tawa tomo. tomo mani li kama jo e tomo jan. tomo mani li pini pana e mani. tomo mani ali ala li open . pona pi lipu esun li anpa. lawa esun li kama jo e mani mute. ni li pona ala tawa mi.

jan li ken ala pana e mani tawa tomo tawa. esun pi tomo tawa li open ala. kulupu lawa li kama jo e tomo mani e esun pi tomo tawa. ni li nasin ala pi ma Mewika.

tenpo suno July 8, 2009

tenpo mun pini la jan Michael Jackson li kama moli. ona li jan pi tawa musi pona li jan pi kalama musi pona. kama kulupu ona li lon ma tomo Lasansele. sijelo ona li insa e poki pi kiwen mani jelo. jan suli mute li toki. mije sama pi jan Michael li kalama musi. jan mute li pilin ike. jan lili tu wan pi jan Michael li pilin ike. jan pona pi jan Michael li len e len luka wan. jan utala pona li wile sona e ni: jan Michael li moli tan seme?

tenpo suno July 7, 2009

sinpin anpa mi li suli. mi wile e ni: mi jo e sinpin anpa lili. mi moku e pan lili e kili mute. mi moku ala e suwi. mi moku e moku pona. mi pali e sijelo mi. mi sewi li anpa e ijo suli. ijo li jo e nimi Kettlebells. mi wile e ni: sijelo mi li kama wawa. pali musi sijelo ni li pona tawa mi. tenpo pini la mi ken pali musi sijelo tawa tenpo lili. tenpo ni la mi ken pali musi sijelo tawa tenpo suli. mi tawa noka kin lon nasin tawa tenpo suli.

tenpo suno July 4, 2009

tenpo suno ni la ma Mewika li sike suno sin. kulupu mama mi li lukin e ni: jan utala pona li tawa noka lon nasin. kulupu mama mi li kute e kalama musi pi jan mute Boston Pops kepeken sitelen tawa. tomo tawa kon tu tu li tawa lon sewi ma tomo mi. tenpo pimeja ni la mi mute li lukin e ni: ijo pi seli kule li lon sewi kon. ijo li pali e kalama wawa.

tenpo pini la mi toki e ni: waso li pali e supa lape sike lon ma kasi mi. tenpo suno ni la sike pi mama waso li open. waso lili tu tu li tawa noka lon ma kasi mi. ona mute li tawa ala lon kon. kule pi waso lili li sama ma.

tenpo suno July 2, 2009

pali musi sijelo li pona tawa meli lili mi.

ona li tawa noka wawa lon nasin sike.

ona li tawa noka wawa kepeken tenpo mute.

ona li kama sona e nasin pi tawa noka wawa pi kepeken tenpo lili.

jan pona pi meli lili mi li tawa noka wawa poka ona. meli lili mi li tawa tomo sona pi pali musi sijelo.

telo li kama tan sewi la meli lili mi li tawa noka wawa ala. nasin telo li ike.

tenpo mun pini la ona li pakala e noka anpa ona. tenpo ni la ona li pona.

tenpo suno June 30, 2009

tenpo suno pini la jan ike li weka ike e poki mani pi mije lili mi. mije lili mi li awen e poki mani ona lon insa pi tomo tawa. tomo tawa li pini ala. poki mani ona li jo ala e mani. mije lili mi li tawa tomo mani. ona li toki ni: o moli e lipu mani mi. mije lili mi li toki lon jan utala pona. ona li pana e sitelen toki tawa jan utala pona. mije lili mi li wile e ken tawa sin pi tomo tawa.

tenpo suno June 27, 2009

tenpo suno ni la kulupu mi en mi li tawa ma tomo Lakipo. seli li lon ala. kon telo walo li kama tan telo suli. mi mute li lukin e tomo tawa telo kala. mi mute li lukin e esun. meli lili mi li pana e mani tawa len sinpin. mi mute li tawa lon nasin pi anpa lawa pi selo soweli (Bearskin Neck). kon sin li pona tawa mi mute.

tenpo suno June 26, 2009

ma kasi mi li suli. kasi mi li suli. mi wile weka e kasi ike.

waso li pali e supa lape sike lon ma kasi mi.

tenpo ali la waso li awen lon ni. mi kama poka ni la waso li kalama lon mi.

tenpo suno June 22, 2009

jan mute pi ma Ilan li toki wawa. ona li wile wan pona e lipu pi jan mute. ona li kulupu lon nasin pi ma tomo Telan. jan utala li utala e jan mute. jan luka luka luka li kama moli. jan mute li toki tawa jan ali kepeken ilo Tuwita en ilo Intene.

tenpo suno June 21, 2009

tenpo suno ni la ona li tenpo suno pi mama mije lon ma Mewika. mi kama jo e len sin e suwi. kulupu mama mi li kulupu lon ni. mi mute li moku e moku mute. mi mute li lukin e sitelen tawa pi musi Gopo.

tenpo suno June 12, 2009

tenpo suno ni la meli lili mi li pini e tomo sona. ona li pini e supa pi nanpa luka tu wan. ona li kama jo e lipu suli.

tenpo suno June 11, 2009

tenpo luka luka luka luka luka luka luka luka luka luka luka la mi sike e suno. mi mute li pali e musi pona. mi mute li moku e pan suwi e telo walo lete kiwen. mi kama jo e ilo sin pi sitelen tawa.

tenpo suno May 29, 2009

telo li anpa mute lon ma tomo Boston. tenpo suno pini la mi pana e kasi lili lon ma kasi mi. mi jo e kasi Tomato luka wan. tenpo suno kama la mi tu e kasi lili pi laso jelo kepeken ilo.

tenpo suno May 22, 2009

tenpo suno pini la mi pana e sona pi nasin Aikido. Mi pana e sona tawa jan tu tu. seli li lon.

tenpo suno May 21, 2009

pini pi tenpo suno ni la jan meli lili mi li tawa kepeken tomo tawa telo.

ni li pali pi tomo sona ona.

ni li lon ma tomo Boston.

tenpo lili la mi lawa e jan meli mi tawa tomo sona.

mi sitelen e ona kepeken ilo sitelen mi.

tenpo luka luka tu tu la ona meli li sike e suno.