I am learning toki pona and this is where I write about what I am doing in toki pona.
You can visit my website for more info on toki pona.
English translations for this blog can be found here.
The material on this toki pona website was written by Dave and is released under Creative Commons license.

Thursday, March 31, 2011

utala lon ma Lipija

jan Katawi li jan lawa pi ma Lipija.
jan Katawi li jan ike mute.
jan Katawi li moli e jan pi ma Lipija.
jan pi ma Lipija li wile ni: jan Katawi li weka.
jan pi ma Lipija li utala e jan utala pi jan Katawi.
jan utala pi jan Katawi li jo e tomo tawa utala mute.
jan pi ma Lipija li jo taso e ilo utala lili.
ma Elopa li pana pona tawa jan pi ma Lipija.
tomo tawa kon utala tan ma Elopa li tawa ma Lipija.
tomo tawa kon utala li pakala e tomo tawa utala pi jan Katawi.
tomo tawa kon utala li anpa e ijo pakala wawa lon jan utala pi jan Kalawi.
utala li lon.

Saturday, March 26, 2011

tomo pi telo kiwen

mi lon tomo pi telo kiwen.
tenpo suno sewi la mi lawa e tomo tawa tawa tomo ni poka meli mi.
meli mi li pali e nasin musi.
meli mi li tawa noka lon telo kiwen poka meli mute.
tenpo suli la mi awen lon tomo musi.
insa pi tomo musi li pilin e lete tawa mi.
mi tawa insa ala pi tomo musi tawa ni: mi wile seli e sijelo mi.
mi anpa e monsi mi lon tomo tawa mi.
suno li seli e tomo tawa mi e mi.
mi lukin e lipu toki lon tomo tawa mi.
meli mi li pini e musi ona la mi kama e meli mi tawa tomo mi.

Thursday, March 24, 2011

ilo sona sin

ilo sona pi mama mi li sin ala.
mi pali e ilo sona sin tawa mama mi.
tenpo pimeja ni la mi open pali lon ona.
mi pali e ilo awen sona sin.
mi pana e ilo sin lon ilo sona.
mi pona e sinpin lukin.
tenpo suno kama la mi tawa e ilo sona tawa tomo pi mama mi.

Friday, March 18, 2011

mi tawa jan Kiropato

monsi pi sijelo mi li pilin ike tawa mi.
mi pali e nasin Ikito la mi pakala e monsi pi sijelo mi.
mi tawa jan pi pona sijelo.
jan ni li jan Kiropato.
mi tawa tomo pali pi jan ni.
mi anpa e sijelo mi lon supa.
jan pi pona sijelo li lukin e monsi pi sinpin mi.
jan pi pona sijelo li tawa e ijo kiwen lon sinpin mi.
jan pi pona sijelo li pona e palisa kiwen lon sinpin mi.
tenpo ni la monsi pi sinpin mi li pilin pona tawa mi.

Thursday, March 17, 2011

nasin Ikito

mi tawa nasin Ikito.
nasin Ikito li utala musi.
mi tawa tomo pi utala musi.
mi len e len walo.
mi seli lili e sijelo mi.
jan pona li tawa e luka ona tawa sinpin mi.
mi tawa weka e sijelo mi.
mi kama jo e luka pi jan pona.
mi tawa e luka pi jan pona tawa ma.
jan pona li sewi e sijelo ona tan ma.
sin la jan pona mi tawa e luka tawa mi.
mi tawa e sijelo pi jan pona mi tawa ma.
ni li nasin Ikito.
nasin Ikito li pona tawa mi.

Tuesday, March 15, 2011

kasi lili mi

tenpo esun pini la mi pana e sike kasi lon poki poka lupa.
poki li jo ma pona.
suno li suno lon lupa ni.
mi wile jo e kasi lili.
seli li lon la mi pana e kasi lili lon insa ala pi tomo mi.

Monday, March 14, 2011

mi kama lili

tenpo pini la mi suli.
tenpo ni la mi lili.
mi moku e mute lili pi moku pona.
mi moku ala e suwi.
mi moku ala e moku walo e pan.
mi wile kama jo e len sin.
mi wile ala moku e moku mute.
mi moku e soweli e kala e kili.
mi pilin pona.

Sunday, March 13, 2011

ma tawa lon ma Nijon

ijo wawa li pakala e ma Nijon.
ma li tawa wawa.
tomo mute li pakala.
sinpin telo suli kin li tawa sewi ma.
telo ni li moli e jan mute.
telo ni li tawa e tomo e tomo tawa e tomo tawa telo.
jan lawa li alasa e jan weka.
ma Mewika li tawa e tomo tawa telo suli tawa ma Nijon.
tomo tawa telo ni li jo e tomo tawa kon.
tomo tawa kon ni li alasa e jan weka.
tomo tawa kon ni li kama e moku e telo pona tawa jan.
jan li pilin lete li wile e moku.
jan li jo ala e ilo suno.
tomo tawa telo kin li jo e jan pi pona sijelo.

ilo pi pali wawa li pakala.
ilo ni li seli wawa.
jan pali li lon ilo ni e telo lete.
ilo ni li pana e kon ike e ko moli.
jan lawa li weka e jan tan ma poka ilo ni.

jan pi ma ante li pana e moku e ijo pona tawa ma Nijon.
jan mute li toki tawa jan sewi tawa jan pi ma Nijon.